Psa 31 | PON | STEP | MAING, i liki komui, kom kotin ieia n ia, pwe i ender namenokala kokolata; dore kin ia la duen omui pu n .

Psalms 31

1 MAING, i liki komui, kom kotin ieian ia, pwe i ender namenokala kokolata; dore kin ia la duen omui pun.
2 Kapaikidi don ia karon ar akan, madan jauaja ia! Kom kotin wiala ai paipalap rojon, o kele pa i, pwen jauaja ia!
3 Pwe komui ai paip, o ai kel. Kom kotin kalua ia pweki mar omui.
4 Kom kotin api ia jan nan injar, me re wiai on ia, pwe komui kele pa i.
5 I kakaliki on komuinen i; kom kotin dore ia la, komui Main Kot melel.
6 I juedeki me kin kaporoporeki dikedik en ani mal akan, a i liki Ieowa.
7 I pan pereperen o polauleki omui kalanan, pwe komui me kotin mani ai luet, o kotin kupuranen i ni anjau apwal.
8 O re der mueid on ai imwintiti, ren kaloe ia di. Kom kotin kajone na i kat nan waja jalatok.
9 Ieowa, kom kotin maki on ia, pwe i majak; maj ai juedelar ki ai mamauk, pil duetanen I o pali war ai.
10 Pwe maur i luet kilar ai injenjued, o ai par akan malaulaular ki ai janejan, ai kelail tikitikelar pweki dip ai, o kokon aikna luetalar.
11 Ai imwintiti kan karoj lalaue ia, o i wialar kanamenok pan men imp ai kan, o kamajak pan jau i kan; me kilan ia nani al o, kin tanwei jan ia.
12 Aramaj monoke ia lar dueta me melar amen;nai rajon dal eu me mor pajan.
13 Pwe i roner duen me toto kin pujerokion ia; men kamajak kapil ia pena; re kin kapun pena duennai, pwen kae ia la.
14 A I kin kaporoporeki komui Main, I ap inda: Komui ta ai Kot!
15 Ai anjau mi nan lim omui, dore ai jan nan pa en ai imwintiti kan o jan me kin pakipaki ia.
16 Kamarainki japwilim omui ladu jilan omui, dore ia ki omui, dore ia ki omui kalanan.
17 Main, kom der kotin mueid on, i en joredi; pwe i likwiri won komui. Me japun kan en joredi, pwe irail en nenenla nan wajan mela.
18 Kil en au en me likam akan mi nenenla, irail, me lalaue me pun kan ni laumaum, o aklapalap, o kaurur.
19 Meid laud omui kalanan, me kom kotin nekinekid on me Ian komui kan, o me kom kin kajale on ir, me liki komui janjal mon aramaj akan.
20 Kom kin kotin karir ir ala re omui jan karoj, me kailon kin ir, kom kin kadupal ir edi jan mon lo akamai.
21 Kapina on Ieowa, me kotin kalanan laud on ia nan kanim teneten eu.
22 Pwe ni ai peikajal i indindar: I lokidokilar jan mon jilan ar. Ari jo, kom kotin erekinil en ainidinid, ni ai potoan wer wiwer on komui.
23 Komail japwilim a jaraui kan karoj, pok on Ieowa! Ieowa kin kotin jinjila me pojon akan, ap depuk on ir melel, me akla palap akan.
24 Komail karoj me kaporo poreki Ieowa, en kelail o der majak!